Kulikuwa na machozi ya furaha, kicheko na shangwe isiyoelezeka pale mtoto wetu mdogo, Brian, alipotamka neno lake la kwanza akiwa na miaka saba. Ilikuwa ni sauti tuliyoisubiri kwa muda mrefu, miaka yote tuliyoishi tukiwa na hofu, matumaini na maombi yasiyoisha. Kwa muda mrefu tulikuwa tukiishi na maumivu ya kuona mtoto wetu akikua kimya, akitazama tu bila kusema neno hata moja.
Madaktari wengi tulioenda kwao walitueleza kuwa tatizo lake lilihusiana na ukuaji wa mishipa ya sauti na kwamba huenda hangepata uwezo wa kuongea kabisa. Wengine walitueleza kuwa tungeanza kumfundisha lugha ya alama. Ilikuwa ni habari ngumu zaidi kwa mzazi yeyote. Nililia mara nyingi, nikijiuliza kwa nini hili limtokee mwanangu. Mume wangu naye aliingiwa na huzuni kubwa, akawa kimya kila mara tunapojaribu kumjadili.…CONTINUE READING
